LELENGAU (RINDU)

Ngerimbas badas tawas
Mansa dampa menua
Ngemanjai rangkai
Ati lesi ngenati

Nuan seruran dikembuan
Nyepuh rerauh peluh
Asai tebantai gagai
Ngenang urang belelang

Pulai nadai berimbai
Betundi bebuti
Begagai nadai dibantai
Seilu-ilu aku muru
Betati ati beraie
Lelepi sunyi ngenati

Nuan seruran ayan
Senayau ngeregau ngachau
Meruan beduan
Ingat betapat ringat
Ngerindu sulu
Sayau lelengau

Pena Sepi@Aki Manang Remaung
Kota Kinabalu, Sabah
02062015
11.35 pm